ഇത് ബാംഗ്ളൂര്‍

രാത്രിതന്‍ ദാരിദ്ര്യ ഭാണ്ഡമേ,
നിനക്കിവിടെയിടമില്ല.
ഇത് ബാംഗ്ളൂര്‍, ബൈനറി നഗരം,
പടിഞ്ഞാറിന്റെ സോഫ്റ്റ്-വെയര്‍ ചവറ്റുകുട്ട,
പ്ളാസ്റ്റിക്കു പണത്തിന്റെ ഗന്ധവാഹിനി.
നിന്റെ വിശപ്പ്; ഇവിടെ തമാശ.
നിന്റെ രോദനം; പുതിയ റിംഗ്ടോണ്‍.
നിന്റെ പടം; അടുത്ത ഇമെയില്‍-അറ്റാച്ച്മെന്റ്.
ഇത് ബാംഗ്ളൂര്‍, ബൈനറി നഗരം.
പായുന്ന, മേയുന്ന, ചായുന്ന, കായുന്ന,
തീക്ഷ്ണ യുവത്വം, ഇവിടെ പടുക്കുന്നു,
സോഫ്റ്റ്-വെയര്‍ ഗോപുരങ്ങള്‍.
ഇത് ബാംഗ്ളൂര്‍, ബൈനറി നഗരം.